ဆောက်လုပ်ရေးလုပ်ငန်းဆိုတာ ကမ္ဘာပေါ်မှာ ရှုပ်ထွေးပြီး စိန်ခေါ်မှုများပြည့်နှက်နေတဲ့ လုပ်ငန်းတစ်ခုပဲဖြစ်ပါတယ်။ စီမံကိန်းများရဲ့ အရွယ်အစားနဲ့ ရှုပ်ထွေးမှုများ တိုးလာသည်နှင့်အမျှ ပိုမိုထိရောက်သော စီမံခန့်ခွဲမှုနှင့် ပူးပေါင်းဆောင်ရွက်မှု နည်းလမ်းများ လိုအပ်လာပါတယ်။ ဒီလိုအပ်ချက်များကို ဖြည့်ဆည်းပေးနိုင်ရန် Building Information Modeling (BIM) ဟာ ခေတ်သစ်ဆောက်လုပ်ရေးလုပ်ငန်းရဲ့ အဓိကကျတဲ့ နည်းပညာတစ်ခုအဖြစ် ပေါ်ထွက်လာခဲ့ပါတယ်။

🏛️ BIM ဆိုတာ..?
BIM (Building Information Modeling) ဆိုတာ အဆောက်အအုံတစ်ခုရဲ့ ရုပ်ပိုင်းဆိုင်ရာနဲ့ လုပ်ငန်းဆောင်တာဆိုင်ရာ အချက်အလက်များကို ဖန်တီးစီမံခန့်ခွဲသည့် လုပ်ငန်းစဉ်တစ်ခု ဖြစ်ပါသည်။ ရိုးရှင်းတဲ့ 2D ပုံဆွဲခြင်းထက် ကျော်လွန်ပြီး အဆောက်အအုံတစ်ခုလုံးရဲ့ 3D မော်ဒယ်ကို အချက်အလက်ကြွယ်ဝစွာ ဖန်တီးပေးခြင်းပဲဲဖြစ်ပါတယ်။ BIM ဟာ အဆောက်အအုံတစ်ခုကို ဒီဇိုင်းဆွဲခြင်း၊ တည်ဆောက်ခြင်းနှင့် လည်ပတ်ထိန်းသိမ်းခြင်းတို့အတွက် လိုအပ်တဲ့ အချက်အလက်များကို စုစည်းပေးသည့် 3D မော်ဒယ်အခြေခံ ချဉ်းကပ်မှုတစ်ခုတစ်ရပ်ပဲ ဖြစ်ပါတယ်။ ဗိသုကာပညာရှင်များ၊ အင်ဂျင်နီယာများ၊ ဆောက်လုပ်ရေးသမားများနဲ့ အခြားသော ပညာရှင်များအနေဖြင့် စီမံကိန်းကို ပိုမိုထိရောက်စွာ စီစဉ်ရန်၊ ဒီဇိုင်းဆွဲရန်နှင့် တည်ဆောက်ရန် ကူညီပေးပါတယ်။

🏛️ BIM ရဲ့ အကျိုးကျေးဇူးများ

♠︎ ဒီဇိုင်းတိကျမှု မြှင့်တင်ခြင်း
�BIM ရဲ့ 3D မော်ဒယ်များမှာ ဒီဇိုင်းအမှားများကို ကြိုတင်ရှာဖွေ သိရှိနိုင်ပြီး ပြင်ဆင်နိုင်စေပါတယ်။ 
(ဥပမာ၊ ရေပိုက်လိုင်းနှင့် လျှပ်စစ်စနစ်များ ထပ်နေမှုကို ကြိုတင်ရှာဖွေနိုင်ပါတယ်။)

♠︎ ပူးပေါင်းဆောင်ရွက်မှု မြှင့်တင်ခြင်း
ဗိသုကာပညာရှင်များ၊ အင်ဂျင်နီယာများ၊ ကန်ထရိုက်တာများနှင့် အခြားသော ပါဝင်ပတ်သက်သူများအားလုံး အချက်အလက်များကို 
အချိန်နှင့်တပြေးညီ မျှဝေသုံးစွဲနိုင်တဲ့အတွက် ပူးပေါင်းဆောင်ရွက်မှု ပိုမိုကောင်းမွန်လာမှာပဲဖြစ်ပါတယ်

♠︎ ကုန်ကျစရိတ်လျှော့ချခြင်းနှင့် အချိန်ကုန်သက်သာခြင်း
ဒီဇိုင်းအဆင့်မှာပဲ ပြဿနာများကို ကြိုတင်ဖော်ထုတ်ဖြေရှင်းနိုင်တဲ့အတွက် ဆောက်လုပ်ရေးကာလအတွင်း ပြန်လည်ပြုပြင်မှုများ (Rework) ကို လျှော့ချနိုင်ပြီး ကုန်ကျစရိတ်နဲ့ အချိန်ကို သက်သာစေပါတယ်

♠︎ စွမ်းအင်ထိရောက်မှုနှင့် ရေရှည်တည်တံ့မှု
BIM ဟာ အဆောက်အအုံရဲ့ စွမ်းအင်သုံးစွဲမှုနှင့် ပတ်ဝန်းကျင်ဆိုင်ရာ သက်ရောက်မှုများကို ခွဲခြမ်းစိတ်ဖြာနိုင်တဲ့အတွက် ပိုမိုရေရှည်တည်တံ့တဲ့ ဒီဇိုင်းများကို ဖန်တီးနိုင်ဖို့ ကူညီပေးပါတယ်

♠︎ ဘေးအန္တရာယ် လျှော့ချခြင်း
ဒီဇိုင်းအဆင့်မှာပဲ အန္တရာယ်ရှိနိုင်တဲ့ အခြေအနေများကို ကြိုတင်ခွဲခြမ်းစိတ်ဖြာနိုင်တဲ့အတွက် လုပ်ငန်းခွင် ဘေးအန္တရာယ်များကို 
လျှော့ချနိုင်ပါတယ်

🏛️ BIM ရဲ့ လုပ်ငန်းအဆင့်ဆင့်
BIM ရဲ့ လုပ်ငန်းအဆင့်တွေမှာ စီမံကိန်းရဲ့ အဆင့်တိုင်းမှာ အချက်အလက်များကို စနစ်တကျ စီမံခန့်ခွဲခြင်းကို ဆိုလိုပြီး ပုံမှန်အားဖြင့် အောက်ပါအဆင့်များ ပါဝင်ပါသည်။
♠︎ Concept Design (အကြံဉာဏ်ဒီဇိုင်း) - စီမံကိန်းရဲ့ အခြေခံအယူအဆနှင့် ဒီဇိုင်းများကို 3D မော်ဒယ်လ်ဖြင့် စတင်ဖန်တီးခြင်း

♠︎ Detailed Design (အသေးစိတ်ဒီဇိုင်း) - ဗိသုကာ၊ တည်ဆောက်ပုံ၊ စက်မှု၊ လျှပ်စစ်နှင့် ရေပိုက်စနစ် (MEP) စတဲ့အသေးစိတ်ဒီဇိုင်းများကို BIM မော်ဒယ်လ်တွင် ထည့်သွင်းခြင်း

♠︎ Analysis(ခွဲခြမ်းစိတ်ဖြာခြင်း) - စွမ်းအင်သုံးစွဲမှု၊ နေရောင်ခြည်၊ လေဝင်လေထွက်နှင့် တည်ဆောက်ပုံဆိုင်ရာ ခွဲခြမ်းစိတ်ဖြာမှုများကို BIM မော်ဒယ်လ်မှတစ်ဆင့် ပြုလုပ်ခြင်း

♠︎ Documentation (စာရွက်စာတမ်းများ) - BIM မော်ဒယ်လ်မှ ဆောက်လုပ်ရေးပုံစံများ၊ ပစ္စည်းစာရင်းများနှင့် အခြားသော စာရွက်စာတမ်းများကို အလိုအလျောက် ထုတ်ယူခြင်း

♠︎ Construction(ဆောက်လုပ်ရေး) - BIM မော်ဒယ်လ်ကို အသုံးပြုပြီး ဆောက်လုပ်ရေးလုပ်ငန်းစဉ်ကို စီမံခန့်ခွဲခြင်း၊ လုပ်ငန်းခွင်တွင် ပူးပေါင်းဆောင်ရွက်ခြင်းနှင့် ပြဿနာများကို ဖြေရှင်းခြင်း

♠︎ Operation & Maintenance (လည်ပတ်ထိန်းသိမ်းမှု) - အဆောက်အအုံပြီးစီးပြီးနောက် ၎င်းရဲ့ လည်ပတ်ထိန်းသိမ်းမှုအတွက် လိုအပ်တဲ့အချက်အလက်များကို BIM မော်ဒယ်လ်မှ ရယူအသုံးပြုခြင်း တို့ပဲဖြစ်ပါတယ်။

🏛️ BIM အသုံးပြုရန် ဆော့ဖ်ဝဲများ

BIM ကို အကောင်အထည်ဖော်ရန် အသုံးပြုသော ဆော့ဖ်ဝဲများကတော့..

Autodesk Revit: ဗိသုကာ၊ အင်ဂျင်နီယာနှင့် MEP ဒီဇိုင်းများအတွက် အသုံးများသည်။
ArchiCAD: ဗိသုကာဒီဇိုင်းနှင့် ပူးပေါင်းဆောင်ရွက်မှုအတွက် အသုံးပြုသည်။
Tekla Structures: ဖွဲ့စည်းပုံအင်ဂျင်နီယာအတွက် အထူးပြုထားသည်။
Navisworks: ပရောဂျက်ပိုင်းခြားစိတ်ဖြာမှုနှင့် ပူးပေါင်းဆောင်ရွက်မှုအတွက် အသုံးပြုသည်။
Bentley Systems: အဆောက်အအုံနှင့် အခြေခံအဆောက်အအုံများအတွက် အသုံးပြုသည်။

အချုပ်အားဖြင့်ဆိုရရင်တော့ BIM (Building Information Modeling) ဟာ ဆောက်လုပ်ရေးလုပ်ငန်းကို ပိုမိုထိရောက်တိကျစွာ ပူးပေါင်းဆောင်ရွက်မှု ကောင်းမွန်စေရန် ကူညီပေးသော ခေတ်မီနည်းပညာတစ်ခု ဖြစ်ပါတယ်။ စီမံကိန်းရဲ့ဒီဇိုင်းအဆင့်မှသည် ဆောက်လုပ်ရေးနှင့် လည်ပတ်ထိန်းသိမ်းမှုအထိ အဆင့်တိုင်းတွင် အကျိုးကျေးဇူးများစွာကို ပေးစွမ်းနိုင်သောကြောင့် ခေတ်သစ်ဆောက်လုပ်ရေးရဲ့ အနာဂတ်ကို ပုံဖော်နေသော နည်းပညာတစ်ခုပဲ ဖြစ်ပါတယ်။

♐️ SBGG

HOTLINE — 09 95 424 5866

📍 အမှတ် (F), ကန်ရိပ်မွန် အိမ်ရာ၊ ကန်လမ်း၊ ၁၀ ရပ်ကွက်၊ လှိုင်မြို့နယ်၊ ရန်ကုန်မြို့။

website — sawbwargyigone.com
AppStore — https://apple.co/3sYi6GD
PlayStore — https://bit.ly/45BHpmp

Rebar (ပန်းသံ) နဲ့ ဘိလပ်မြေ updated ဈေးတွေအတွက် 👇🏼ဒီ channel လေးကို join ထားပေးပါနော်။

Facebook — https://www.messenger.com/channel/SBGG.SawBwarGyiGone
Viber — https://invite.viber.com/?g2=AQAfw%2BCKWl04K09jpXRwd0DmZ%2BpA8y8izTKvea%2B6U7SVqIkxTHTzTatl4OPs%2BG9T

အိမ်ဆောက်မှာလား... SBGG ရှိတယ်!!